【打風都打唔甩】張振朗楊偲泳拍拖搵屋企人做電燈膽

張振朗&楊偲泳

現年32歲嘅張振朗備受無綫力捧,近年戲份越來越重,例如《踩過界》、《包青天再起風雲》及《牛下女高音》等等,未出街及拍攝中嘅劇集都有幾套。今年仲成功勇奪「飛躍進步男藝員」,睇得出無綫俾咗好多機會佢。

除咗事業方面,張振朗喺愛情方面同樣得意。佢上年同有「巨咪陳妍希」之稱嘅ViuTV旗下藝人楊偲泳(Renci)相戀,不過有指無綫有啲微言,原因係覺得Renci唔太多人識,又唔係自己人,所以要求張振朗要盡量保持低調。咁上緊位嘅張振朗當然識㨂啦,兩人已轉為低調嘅地下情,去日本旅行都各自上車單人照。有報道指佢哋日前去咗拍拖,不過就要搵屋企人做電燈膽,期間Renci仲同張振朗兩個姪仔打成一片。雖然佢哋刻意前後腳,不過張振朗間唔中都有偷望女朋友,有時仲會唔覺意行埋一齊傾下計。

有傳佢哋愈打壓就愈愛,二人已經見晒家長,仲去到同居階段。張振朗有次接受訪問時,佢口快快爆咗會幫女朋友吹頭, 自爆同居。佢亦周不時會讚女朋友細心、人品好、對佢屋企人好,同埋會想結婚等等。睇嚟佢地真係打風都打唔甩啦。

張振朗
張振朗
楊偲泳
楊偲泳