【戲假情真?】失婚呂慧儀被爆秘撻拍檔張景淳

《愛.回家之開心速遞》飾演龔燁及熊若水

憑無綫處境劇《愛.回家之開心速遞》飾演龔燁及熊若水,而人氣急升嘅張景淳及呂慧儀,劇集中由歡喜冤家發展成情侶。好多網民都一致認為佢哋呢pair十分登對,更一直希望佢哋假戲真做,成為一對真正嘅戀人。

大家都知道呂慧儀與前香港先生黃文迪喺11年結婚,今年3月佢哋宣佈離婚嘅消息,但仍然係好朋友關係。

今日有讀者向傳媒爆料指6月14號晚,張景淳及呂慧儀一齊到數碼港欣賞電影。到散場嘅時候,有人見到呂慧儀邊行邊講電話,幾分鐘後同樣戴帽嘅張景淳就離開戲院。正當大家覺得戲院散場,佢哋都各自各拎車之際,其實佢哋係前後腳,走到商場外嘅咪錶位拎車,而好特別嘅係今次架車係呂慧儀嘅,但由張景淳擔當司機,盡顯男仕風度。

睇完戲唔想咁快返屋企,通常都會有下場想食下野吹下水,結果張景淳就開車週圍搵食諗住食日本野,點知經過幾間餐廳都準備收舖。最後佢哋唯有落旺角掃街,不過掃街就掃街但唔係即場食!張景淳一買完小食後就即刻上番座駕,仲好熟路咁經過屯門公路開車去呂慧儀位於屯門嘅屋企,而張景淳更一直留到凌晨都未見佢出現!

不過呂慧儀喺接受傳媒訪問時就否認戀情嘞。

呂慧儀喺接受傳媒訪問時否認戀情。