憑歌寄意吐心聲?許志安復出頭炮唱呢兩首歌

許志安嘅演出終於播出!

一年前因為背妻偷食黃心穎而跌至谷底嘅許志安,沉澱咗14個月後終於「好番」再戰樂壇!復出頭炮佢選擇咗上ViuTV節目《Chill Club》,尋晚節目終於播出,佢唱咗兩首歌,包括《一步一生》同埋與Gin Lee(李幸倪)及AGA合唱《半天假》,似乎都好代表安仔嘅心聲及心路歷程,當佢唱到「願我能 提示我這一雙腳 別震」一句時,更握實拳頭抖動數下!而佢喺台上只係講咗一句話:「祝賀寶麗金50周年生日快樂!」

好肉緊!
經歷過偷食事件後…
唱到呢句時仲緊握拳頭抖動!
同Gin Lee(左)及AGA合唱《半天假》!

至於唱功,有唔少網民都覺得唔錯,正如主持趙學而所講狀態大勇,聲線控制得好好!

唔知佢諗緊咩?