慳家攞着數「娘家」順手運桔

東方日報
何家兩老錫晒個女,攞咩都冇所謂啦!

Fred、Stephanie年底舉行婚禮,男方包起婚禮的使費,Stephanie大讚「老公仔」Man爆,不過,由於籌備婚禮使費不輕,她當然會錫住準老公的荷包。已展開同居生活的他們,會在衣食住行埋手樣樣慳,Stephanie還笑指首選於爸爸身上攞着數:「爸爸每逢大節日都鍾意將屋企布置到好靚,好多時我會攞幾件走,今年睇爸爸媽咪度有咩啱,佢哋門口會放桔,咪順便拎一盆返屋企,唔覺嘅!其實以前屋企有擺設桃花,但擺咗幾日就成棵謝晒,之後先冇買。」

除了於娘家攞到盡,Stephanie表示平日已甚少出外用餐,她反而勤於上網學廚藝,晚晚親自為愛人下廚,雖然切切洗洗比較麻煩,但為了慳得一蚊得一蚊,當然不能躲懶。