感情穩定唔急嫁 張曦雯出口術氹男友

東方日報
張曦雯公開放閃,唔怕與「人夫」浩信傳緋聞啦!

蔡思貝昨日偕王浩信、張曦雯、張振朗與姜麗文等,出席新劇《踩過界II》開鏡拜神,她笑指開工兩星期經常戴假牙套,令嘴唇不自覺向上翹:「好似幫嘴唇矯形咁,希望套劇完咗,個唇會慢慢跌番落嚟。上集講我同張振朗係兄弟,今次會有啲錯綜複雜關係,會唔小心失身!」

王浩信驚盲

飾演「盲俠」的浩信直言角色早已入血,故很快適應,只是每日連戴十多小時隱形眼鏡,笑言希望煞科後不會盲。而首次扮演視障人士的張曦雯,與浩信再續《解決師》的未了緣,希望今次唔使死。談到早前與外籍男友到夏威夷旅遊期間,大晒男友視角照片放閃,她冧笑讚男友影相的確唔錯:「佢識影相,又孝順。(第一次咁公開放閃?)之前有甫大合照,只係冇Tag佢啫!我哋拍咗年幾兩年拖,都穩定,但好事近又唔係,今次只係讚吓佢,等佢開心吓!」

至於姜麗文對於舊愛鄭俊弘宣布婚訊,指雙方關係已是7年前的事:「呢個係佢哋嘅Happy News,希望尊重佢哋。我同依家嘅男友拍拖3年都幸福快樂,唔使每次都問我回應。(你同男友都快結婚?)我都想,爸爸(秦沛)都75歲,都想抱孫!(開綠燈?)不嬲都Welcome,佢好Sweet,見晒家長,我好信爸爸意見,當有鍾意嘅男仔就畀佢見,我覺得爸爸對男友都滿意。」

姜麗文攬到爸爸實一實,勁Sweet!
張振朗拜神,祈求拍攝順利。