感冒劉丹:後生頂得住!

東方日報
《愛.回家》的藝員蘇韻姿、單立文、劉丹、呂慧儀及周嘉洛開工大吉。

無綫昨日發出通告指今日起職藝員進入電視城前均要量度體溫,如發現有發燒者,會被勸喻回家休息,並指若有同事由湖北返港,則需自行在家隔離14日,作有薪病假處理。

無綫處境劇《愛.回家之開心速遞》「熊家」成員劉丹、單立文、呂慧儀、周嘉洛、蘇韻姿昨日初四開工拍劇。近日患上感冒的劉丹,返工可有被要求量度體溫?他說:「今朝返工仲未使,呢啲措施啱嘅,不過,如果唔使開工就發達囉,哈哈。(點樣預防?)休息咗幾日已經退咗燒,都係戴口罩,同埋洗手、洗手、洗手,頂得住嘅,我仲後生嘛,哈哈!」

奪得「最佳男配角」獎項的周嘉洛首年派利是,更手寫「掂」字贈興,他笑說:「自己唔知應唔應該派,多得丹爺(劉丹)提醒我,佢話攞咗獎冇理由唔派利是,都係一份心意。」劉丹又對蘇韻姿說:「下年到你派利是喇!」寓意她出年攞獎,她即說:「承你貴言。」呂慧儀又指錄影廠內大家的衞生意識提高,每人也戴着口罩,直到埋位時才除下拍攝。

大批無綫員工要排隊量體溫。