《愛·回家》See See Fitness邊位職員最得網民歡心?

自從《愛·回家》用龔嘉欣同均哥兩姐弟、See See Fitness同安輝海味鋪去取代馬家同查畢嚴律師事務所之後,播映以來口碑同收視都麻麻,最後仲搞到要急召馬家成員「回家」救亡,吸引返舊粉絲再次收睇。

雖然大家好鍾意馬家,但係都唔好唔記得其他藝員為呢套劇出過嘅努力。最近有網民搞咗個投票睇下邊位See See Fitness職員(唔包括CEO Billy同課程總監Anson)最受大家喜愛,頭五位如下: 

第五位:林希雅(劉溫馨飾) 

13年參選香港小姐後入行,直至新一輯《愛·回家》先有固定角色。劇集一出街嘅時候,劉溫馨飾演嘅Amy已經憑著外貌成功吸引網民注意。 

第四位:李淇(梁茵飾) 

只有22歲嘅梁茵係藝員訓練班出身,相信喺出演《愛·回家》之前都冇咩人識佢,甚至連樣都唔係好認得。劇中飾演斯斯文文嘅Kay,喺上星期終於同咗博士(陳志健飾)係埋一齊。 

第三位:魯仲德(魏焌皓飾) 

新一代爆肌男魏焌皓喺劇中耐不耐就要除衫騷肌,連佢自己都喺Facebook留言話成日有人問佢點解拍劇成日都要除衫除褲,仲搞笑咁叫大家幫手問編劇。 

第二位:洪楠(陳華鑫飾) 

陳華鑫果然深受網民愛戴,連好耐冇喺劇中出現、已離職See See Fitness咖啡室員工洪楠都可以登上第二位。 

第一位:周穎嫻(陳潔玲飾)

喺劇中飾演瑜伽導師,成日都要著住貼身運動背心出鏡。唔少網民都大讚佢人又靚、身材又好。

入嚟仲有佢地嘅相集