愛駒退役「移民」劉小慧爆喊:養到佢終老

東方日報
劉小慧與老公對「駿王」疼愛有加。

蘇志威與太太劉小慧向來視愛駒「駿王」如親兒,上月駿王無奈包尾兼第二度驗出心律不正常,根據馬會賽事規例,馬匹將被禁參賽6個月,昨日練馬師鄭俊偉向受薪董事透露,蘇志威已答應讓年屆7歲的駿王退役。

養了駿王3年的劉小慧在電話中說:「佢退役,冇得玩喇!打算送佢去新西蘭嘅靚農場歎世界,幾時走、住邊度要視乎練馬師安排,我一定會養到佢終老,使費有平有貴,都係幾萬至幾十萬啫!所以我要喺社交平台努力賣嘢搵錢『養仔』。」談到將分隔異地,她即時爆喊:「好唔捨得,我一定會飛去探佢,當送個仔去外國讀書。」

「駿王」曾大勇奪冠,令蘇志威夫婦勁興奮。