愛貓住豪華寵物籠!Baby 7,000呎過億豪宅曝光

愛貓住豪華寵物籠!Baby 7,000呎過億豪宅曝光

女星Angelababy同老公黃曉明吸金力一向驚人,兩人喺多地都有愛巢,好似Baby早年就喺香港以母親名義買下1.28億豪宅,而黃曉明喺老家青島、北京及上海都有超級豪宅,投資有道!而尋日Baby喺微博上載媽媽浸腳睇佢主持嘅綜藝節目《奔跑吧》時,就將其豪宅曝光,引起網民熱議!

網民都被其落地大玻璃外嘅東方明珠吸引,即刻推測其地理位置,如此明顯嘅上海地標,原來係位於上海陸家嘴金融中心附近嘅四季匯,該棟獨立物業共計提供73套單元,而兩人嘅愛巢有成7,000呎,價值過億!有傳呢間豪宅係當年結婚時,曉明贈送畀Baby的!

除咗窗外景色吸引,身為貓奴嘅Baby為愛貓購置咗人咁高嘅超大型寵物籠,裏面布置得井井有條,真係做Baby啲貓好過做人呀!

青島雙層豪宅別墅!


設計奢華!
為囝囝整遊樂場!
Baby早年曾上載呢張相,爆出豪宅位置,但後來又刪走!
兩公婆周圍築愛巢!