「愛國」陳小春台北開個唱 網民疑發起集會:返大灣區啦

陳小春

香港反修例運動持續已經近半年,期間有唔少藝人喺社交網站發表自己嘅立場,而陳小春就係其中之一。身為前惠州市政協委員嘅陳小春,佢嘅立場當然係鮮明啦,除咗多次喺微博發表愛國愛港及支持香港警察嘅言論之外,佢仲公開支持立法會議員何君堯。早前嘅區議會選舉當日,佢上載一張投票相片,涉嫌違反選舉法例,不過佢一於少理,繼續為喺星期六(7日)嘅台北為演唱會進行綵排,期間仲被人影到佢同朋友去食麻辣鍋。

有網民就發起星期六去到陳小春台北演唱會場地集會

難得陳小春去台北開演唱會,有網民就發起星期六去到演唱會場地集會,仲標明係「台灣人,在台香港人集結」,網民仲呼籲參加人士自攜示威物品及喺7點半前到達。消息傳出後,唔少網民都紛紛留言表示支持集會:「小春子返大灣區啦」、「係囉 中國政協黎台灣有咩企圖」、「香港人要聲援」、「香港人請集合!」、「踢佢全家出境」及「一定到場」等等。

唔知佢個演唱會可唔可以順利舉行呢?