《愛回家》鍾凱琪被負評轟炸發文大呻 網友以馬蹄露經歷打氣!

東方新地 - 娛聞

話說,早前集《愛回家之開心速遞》講到金城安(周嘉洛飾)被池美麗(鍾凱琪飾)打動,令女友Bonnie(林凱恩飾)大為傷心。點知現實中,鍾凱琪卻因網民不滿該集劇情難頂及被負評轟炸,而於個人社交網發長文大呻!

撰文:東方新地|圖片:電視截圖、鍾凱琪IG

延伸閱讀:

回顧53歲鄧萃雯初出道嫩口相 衣著品味提升關前男友事?!

歐陽震華以「祝枝山」玩穿越!客串《愛回家》群姐同對戲

鍾凱琪被負評轟炸

近日,《愛》以「假如愛有天意」為題,講述池美麗想拆散心儀對象安仔及其女友Bonnie嘅關係,因此決定同安仔打賭,若然雙方分開一小時後再遇對方就證明有緣,就要同佢拍拖。

愛回家, 安仔, 美麗, bonnie

點知時限到之時美麗真係出現,但當二人喺貨櫃內爭論時,突然山泥傾瀉令美麗、安仔被困。正當安仔擔心無糧之際,美麗反而拎出自己僅有嘅蛋糕仔俾安仔食,結果令自己最後不支倒地,而令安仔深深被感動!

二人被救出送院後,安仔去探望美麗時,被女友Bonnie見到情急慰問美麗嘅安仔,結果令Bonnie回想之前一名同學對肥妹仔嘅愛,心中暗感安仔會轉投美麗懷抱!

不過,唔少網民及觀眾都紛紛表示接受唔到安仔會同美麗一齊,又指非常嘔心拒絕追看,甚至用粗口罵編劇,反響甚大!

鍾凱琪發文大呻

當大家不斷留言之際,當時人嘅鍾凱琪亦有留意民意,更於個人社交網出post留言坦言睇到各方嘅負評後感到唔開心,指:「冇諗過大家會有咁大迴響」、「我都算係平常人,正常人畀人話嘔心,點都會有失落。」、「個人嘅感覺真係唔好受」等。

網友以馬蹄露經歷打氣

鍾凱琪長文一出,隨即令唔少網民紛紛留言打氣,有網民就以馬蹄露當年於《真情》演May May嘅角色做例,指:「廿幾年前馬蹄露被人全城鬧爆,唔係因為個樣,而係演技太好,將May May的乞人憎性格同行為演活。」;亦有網民以《延禧攻略》嘅爾晴做例,叫鍾凱琪加油!

同時,亦有網民表示鍾凱琪於劇中表情動作皆到位,演得甚至比Bonnie更好,鼓勵美麗!

事實上,鍾凱琪於劇中飾演嘅「美麗」一向都係個名副其實嘅花癡角色,戲中不時就會幻想與同劇男角色有感情線發生,如秦博思(馬貫東飾)、朱凌凌(吳偉豪飾)等,幾乎次次皆引起觀眾關注劇情發展。

美麗曾經想介入博思和Mandy嘅感情。
美麗亦曾與朱凌凌進行約會!

不過,今次劇集成功引來大眾迴響,相信都只係針對角色,而非演員,所以相信凱琪其實都可以唔使咁唔開心嘅!

(風波裏的美麗)~ 今晚呢一集係咪好有突破性呢? 成個故事發展都有意想不到嘅方向。 見到網上各位嘅評論都有正反兩方面。 大家願意討論,証明劇情成功吸引到你們。 雖然可能有啲評價會比較令人難以接受 。不過你哋嘅責罵同埋支持,都係我的原動力。🙏 想傳達的訊息只有一樣: 🔆雖然我什麼也不是,沒有外貌,沒有能力。 甚麼也沒有 。但不論戲裏戲外的我,都希望用我的努力, 不放棄, 肯付出去感動你🔆。" 終有一日即使曾經負評也能變成正評。 我自己知道我有好多缺點,可能亦都好難去改善。但我相信很努力很努力很努力。你們是可以看得出來的。 即使失敗, 都對得住自己,對得住天地良心。對得住每一個支持自己嘅人。 最後現實生活中嘅禾,暫時真係未有對象。 宅女係每日除工作外,在屋企陪貓玩。所以係絕對唔會做小三。你哋放心。 🙈

A post shared by kitty Chung (@yukimi_chung) on May 13, 2019 at 8:38am PDT



延伸閱讀:

《東張西望》女主持黃穎君被批走光博出位 網民:為上位咩都做得出!