《愛回家》李莫仇拍《法證》變晒樣 網民唔認得

又真係差好遠喎!

唔知大家睇《法證先鋒IV》時,有冇得留意到高Sir(黃浩然飾)身邊個秘書Polly呢?斯斯文文、正正經經,唔講唔知其實佢係《愛.回家之開心速遞》嘅「島大女魔頭」李莫仇(張詩欣飾)呀!

高Sir個秘書Polly斯斯文文!
竟然係「島大女魔頭」李莫仇?!

張詩欣喺《愛.回家》要醜化自己,演一個又癲又喪嘅角色,同朱凌凌(吳偉豪飾)嘅互動非常搞笑,仲成功入埋屋!同《法證IV》嘅演出勁大反差,連佢都話「我發覺冇乜人知道呢個係我😂😂😂」,網民都話「」、「呢個根本係兩個」、「完全認唔到係李莫仇」!

網民都話唔講都唔知呀!
喺《愛.回家》醜化自己!
不過佢話唔會唔開心!

其實,張詩欣演足三輯《愛.回家》,包括2015年第一輯、2016年《愛.回家之八時入席》同埋依家呢輯!而「李莫仇」原本只出演一集,但最終有得留得,詩欣都話得悉可以正式加入劇組好似中獎咁!至今,佢已經演出超過50套劇包括《宮心計2深宮計》、《BB來了》、《木棘証人》等等,除咗《愛.回家》,喺《四個女仔三個Bar》中演援交少女亦備受關注!

大膽晒素顏!
喺《宮心計2深宮計》嘅造型!

而佢選擇跳入呢個大染缸竟然係因為佘詩曼,當年睇港姐選時覺得對方好靚,又有善心,所以促使佢入娛圈,希望幫到人,同搵到錢養家!

同蝦頭(右)撞樣?
身材勁好!
有前!
有後!
勁Fit!

睇落有啲似楊詩敏(蝦頭)嘅佢,會成日睇網上留言,佢話最多人話佢唔靚,但冇唔開心,會樂觀啲去睇!不過其實佢身材非常好,更毫不吝嗇大晒比堅尼照添!喺感情方面,原來佢有個大佢11年嘅男友,已經拍拖3年,感情相當穩定,冇受年齡差距影響呀!

同男友差11年不是問題!
已經拍拖3年!
齊齊晒~