惠英紅影視大滿貫未心足

東方日報
出爐視帝馬國明、視后惠英紅大晒獎座。

出爐視后惠英紅獲得「影視大滿貫」,賽後風騷,受訪時嬌嗲稱尚欠舞台劇獎座:「依家仲差舞台劇(得獎)呀,係咪有啲貪心?9月我會再喺香港同內地演出《玻璃動物園》,希望大家支持!」她坦言賽前沒想過贏視后:「都係想《鐵探》攞劇集大獎。(失望?)有啲。」

她坦言由內地趕返香港出席盛會,缺乏休息,整晚都要靠眼藥水「頂住」。記者笑問她如此忙碌,可有時間再拍劇?她說:「有嘅,我係鐵人嚟,呢年半未休息過!」談到2月2日「登六」,她說:「因為要表演春晚,所以初一先返到香港,初五又要返內地拍電影,到時只會同屋企人食餐飯,唔會大搞。等到2月中返嚟,先會同大家慶祝今次得獎。」