惠英紅任達華首獻Sing 陳偉霆為抗疫英雄打氣

東方日報
陳偉霆放假都第一時間去錄音。陳偉霆放假都第一時間去錄音。

內地火紅的陳偉霆跟影后惠英紅、任達華、視帝馬國明等港台紅星,獲中央台邀請攜手高歌為同胞打氣,陳偉霆更以手機自拍MV,惠英紅、任達華齊齊為抗疫獻出第一次。

新冠肺炎肆虐,國難當前,港星合力灌錄了粵語版《堅信愛會贏》加油歌為同胞打氣,除了英皇藝人任達華、惠英紅、陳偉霆外,還有鍾鎮濤、莫華倫、張衞健、張明敏、劉愷威、黃軒、郭采潔和馬國明等。由於非常時期,大家都採用了「雲錄製」方式,按照要求各自在家錄音、錄影,再發送給導演組合而成。日前已有普通話版,唱歌者包括成龍、王力宏、吳京、黃曉明等。

48小時完成

據知陳偉霆、任達華、惠英紅獲中央台邀請參與演唱,正放假的陳偉霆二話不說即搵錄音室錄歌,惠英紅、任達華並非唱家班,為唱抗疫歌獻出第一次,走入錄音室唱歌,由於任達華身在馬來西亞工作,收到歌詞背熟後即到錄音室練唱。他們覺得能攜手盡一分力感到開心,希望為前線的醫護人員打氣,透過激昂勵志的歌曲發放正能量。據知歌手各自用手機自拍MV給大會,由錄音到MV剪輯,前後僅48小時完成。

馬國明願出一分力

同樣有份參與獻唱的馬國明表示返TVB錄音:「好在公司有同事幫手,因為好趕,聽完就唱,好在我獨唱唔多,得幾句,合唱咁多把聲,唔係好覺嘅!始終我唱歌唔係好叻,都係嗰句啦,出少少力啦!好多謝幫我錄音嗰兩位同事,佢哋好用心教我同幫我,雖然得嗰幾句,但我盡量錄好佢啦!」

談及口罩存量,他說僅僅夠用,無力幫助有需要的人,只希望大家身體健康,遠離疫症:「今次係主辦單位搵我為對抗疫症嘅人打氣,用廣東話唱幾句,我自己好多嘢做唔到,又撲唔到口罩,呢樣我可以做到,好似做慈善咁,出一分力,我人微言輕,如果撲到口罩更好。」

惠英紅、陳偉霆及張衞健為抗疫英雄打氣。
任達華、馬國明亦出一分力獻唱。
馬國明