情傷後首現身 胡子彤未走出唔敢搵歐鎧淳

啱嘅,係要展望新生活!

藝人胡子彤為ViuTV劇集《地產仔》開工,飾演見習經紀的他,於豪宅樓盤外拍攝一場爭客仔戲份,透露劇集日內煞科,但農曆年應不會出埠,將留港與家人度歲。剛與歐鎧淳結束三年情的他,問到可需旅遊散心?他說:「唔係,我係想有少少時間畀自己沉澱吓,嚟緊會有新計劃,就係唱電影主題曲,歌詞都係我寫,所以之後都會學唱歌同練結他。」談到分手心情,子彤起初不欲多談,只說:「都過咗去。(你用莫文蔚嘅歌憑歌寄意?)唔係,我好鍾意莫文蔚,鍾意聽佢嘅歌,佢係偶像,見到都唔敢同佢打朝呼。(歐鎧淳變同性戀?)唉,過咗去嘅嘢就展望將來。(會祝福佢?)都知佢要準備比賽,希望佢有好成績,亦希望佢開心。(仲有冇聯絡?)未係適當時候,遲啲先再算啦!(識唔識佢新女友?)呢啲嘢唔好再提,過咗去嘅嘢!」

問到是否未有心情接受新戀情?子彤表示望有桃花人緣,認為姻緣未應強求,故一切隨緣,那是否已放下舊情?他說:「再講啦。(即係未?)可能突然出去食飯見到個女仔會鍾意呢,不過現階段都係先專注工作。」