【恭喜】《愛·回家》Terry秘娶圈外女友 升格人夫

憑無綫處境劇《愛·回家》系列爆紅嘅Terry (李健偉飾)原來靜雞雞喺日本秘密結咗婚喇!Terry同女友一向作風都非常低調,而Terry亦從來無公開女友身份。有指二人喺3月份低調到日本行禮,年底會喺香港擺酒。早前Terry上載日本影嘅和服婚紗相,都要遮住太太個樣。

劇中飾演Terry舅父嘅KC歐瑞偉早前就表示會送份大禮俾佢哋,而Terry都話有諗過斟茶俾歐瑞偉同劇中飾演Terry家姐嘅林淑敏,因拍劇而成為好友嘅馬貫東和阮政峰已自薦做兄弟團。

恭喜晒呀!