恭喜晒!再做爸爸 35歲張致恒宣布細仔出世

張致恒又做老竇!

現年35歲嘅張致恒(Steven)老婆雯雯去年尾再佗第二胎,BB喺今日出世喇!再度做爸爸嘅Steven難掩興奮,佢接受東網訪問時透露BB都係男仔,重7磅半,比預產期早咗出世,因為老婆穿咗羊水,即刻入院要開刀生,幸好一切順利。而囝囝已經改名叫張天牧,意思係交畀天父牧養,大仔張天寶係代表天父嘅寶物。至於會唔會追女,佢就話遲啲先算!

細仔今日出世!

Steven去年7月宣布與雯雯育有一子天寶,同年9月二人正式簽字成為夫婦。兩人短時間內已經組成一家四口,Steven都要努力搵錢養家,最近受疫情影響失去酒店散工,要兼職經紀,搵得幾多得幾多!

天寶做哥哥喇!