【恭喜恭喜】41歲陳展鵬宣布迎娶28歲單文柔

41歲陳展鵬與細13年女朋友單文柔(Phoebe)自上年3月公開戀情後,人前人後恩愛無比,間唔中以情侶檔姿態一齊出活動。早前陳展鵬已經透露話有結婚打算,嚟到今日終於有消息啦!陳展鵬喺big big channel宣布迎娶單文柔。

陳展鵬隔空宣布婚訊提及多謝大家一直對佢嘅支持同包容,好開心同大家宣佈要結婚啦!一直以為自己都全程投入工作,直至Phoebe嘅出現,令佢哋感受到幸福同信任。佢仲話自己對感情方面比較傳統,佢會用自己最大嘅努力,去建立一個美滿嘅家,多謝大家關心,希望得到大家嘅祝福!

被問到求婚未,展pang就話已經喺香港求咗婚。另外,佢哋已經去咗法國及英國影婚紗相。至於點解去英國影婚紗相?展pang話因為Phoebe好鍾意英國同埋喺英國讀書,佢仲話好多嘢都係去到英國先買,佢覺得拍攝過程好刺激同好開心。

佢哋將會喺10月中行禮,不過佢哋想低調處理,所以婚宴方面可能淨係邀請老人家及雙方家長。

真係恭喜晒佢哋呀!

(網上照片)