恨與麥兆輝合作 克勤:扮路人甲都得

東方日報
導演麥兆輝與張家輝討論如何拍攝。

英皇賀歲片《廉政風雲 煙幕》台前幕後陣容強勁,由麥兆輝執導、莊文強與黃斌監製,劉青雲、張家輝、林嘉欣及袁詠儀等主演,主題曲《活埋》則由李克勤靚聲演繹。

責任重大

克勤表示聽完《活埋》後,覺得很貼切電影主題,但同時演繹歌曲國粵語版感責任重大:「以前錄音,只要自己滿意同監製收貨就得,但今次係賀歲片,希望宣傳上可以幫到手,最緊要導演同監製肯收貨,好彩錄音時佢哋冇嚟監場,否則壓力更大。」過往多演正派人物的他,心底渴望挑戰陰暗奸角。

問到可會勾起戲癮?他說:「拍戲可遇不可求,無論演員遇到角色,抑或歌手遇到一首歌,每次都係機會、緣分,我都好期待喺演戲上同麥導演合作,扮棵樹、路人甲都得。佢嘅戲向來有好多警察,有冇啲散仔角色啱我做?」

李克勤
影帝劉青雲(左)與張家輝好戲連場。