性感女神溫碧霞帶病開工有回報 新片《嫌疑者說》奪《金雞》十大

娛樂

雖然做咗少奶奶,但性感女神溫碧霞(Irene)永不言休,又出寫真又拍戲,最近佢主演嘅新片《嫌疑者說》報捷,Irene回想當時係帶病硬撐開工,表示呢個肯定得來不易,所以超級開心啊!

撰文、圖片:東方新地

溫碧霞努力有回報新片奪《金雞》十大

日前溫碧霞主演嘅新片《嫌疑者說》獲選為《金雞百花獎2019》十大優秀影片,Irene非常開 心,皆因《嫌疑者說》繼之前入圍《絲綢之路電影節》後,又再打入11月底舉行嘅米蘭電影節,認真厲害!

著上大紅裙嘅Irene,在兩大男主角黄維德及劉向京護送下出場。
在紅地毯上,有唔少粉絲爭相要求合照。

Irene捧著獎座興奮表示:「真係好犀利,好戥劇組開心,連續入選三大影 展,其實喺金雞百花獎三百部候選電影入面,好多都好高水準,而入選嘅其餘九部電影都好高質素,《嫌疑者說》所有幕前幕後都努力同認真,不枉全組付出嘅一 切。」

《 嫌疑者說》撼低三百多部參選電影,成功被選為 《金雞百花獎2019》十大優秀影片,身為女主角嘅溫碧霞居功不少。
Irene聯同劇組到場領獎,難掩興奮心情。

烏魯木齊首日開工即出事溫碧霞帶病硬撐

其實呢個獎項得來不易,Irene回想拍《嫌疑者說》時大家都好辛苦,落雪嚴冬 之下喺烏魯木齊拍攝,開拍第一天因為太凍,Irene因而冷病發高燒,但佢只係休 息咗一日,第二天帶病上陣繼續開工,但佢話反而更加投入角色:「嗰時天氣真係好凍,對腳好似結咗冰咁冷,身體貼滿暖包都冇用,不過病咗反而更加投入角色,我個角色要素顏,要完全唔化妝,我要好崩潰同傷心,情緒完全配合晒劇情。」證明付出係有回報!

Irene分享喺烏魯木齊拍攝時嘅苦況,就算捱凍冷病都要頂硬上,非常專業。
能夠獲《金雞百花獎》評委認同,Irene戥劇組開心!

延伸閱讀:

王祖藍李亞男身高差15cm 出街搭膊頭曬恩愛

甄子丹《葉問4》聖誕上映 16歲新人李宛妲被摑到流鼻血