怕太巴渣嚇走何廣沛 朱晨麗自稱好斯文

朱晨麗喺劇中好野蠻,搞到驚會嚇走何廣沛!

藝人朱晨麗和黎燕珊這對「母女」,為無綫劇《多功能老婆》宣傳,講到劇集在My TVSuper 點擊最高?兩人表示好開心,多謝大家支持,好喜歡這對母女組合。珊姐就大讚朱朱劇內劇外都是她的「乖乖女」,現在大家都以母女相稱,感情很好,所以都想朱朱今次頒獎禮攞到獎。講到下周踏入結局篇,問到可會相約睇大結局?朱朱笑言:「我anytime得閒呀,隨時候命。(想唔想拍續集?)梗係想啦,同埋我哋呢個組合自己拍得好過癮,自己拍得好開心。」

問到朱朱另一半可有追看?她抵死笑謂:「我另一半?緋聞男友?姓何(何廣沛)嗰個?咁你要問佢,見佢都有睇我啲post有點讚留言嘅!希望佢有追睇,而追劇之餘唔好驚咗劇中嘅我。(驚你打佢?)其實我現實生活中係收斂少少嘅,好斯文㗎,我都怕嚇親人,都有問啲男性朋友覺得點會唔會太巴辣,但佢哋都話唔怕,都欣賞嘅!」