心穎搞人頭家 湯洛雯賣身貼仔趕絕姣小三

《丫鬟大聯盟》接替《多功能老婆》播出。

由洪永城、湯洛雯(靚湯)、謝東閔與黃心穎等主演的無綫新劇《丫鬟大聯盟》,將緊接《多功能老婆》於12月30日晚上9時30分假翡翠台推出。這套15集的正劇節奏明快,靚湯與心穎由鬥氣冤家變成好姊妹,並齊齊為「愛郎」逆轉命運,故事悲喜交集,自有一定追看性。

《丫》劇講述靚湯與心穎因自身問題,賣身到「員外裘正」鄭子誠的官邸當丫鬟,因各自服侍兩位姨太而鬥氣互不相讓,後來官府家道中落,二人化解恩怨,與其他丫鬟結成「丫鬟大聯盟」,成功逆轉一切。鄭子誠扮演的鹹濕員外,

經常有意無意向「最靚丫鬟」靚湯及心穎作出「挑逗」,又意欲納她們為妾,卻反過來遭整蠱,亦是該劇亮點之一。

謝東閔好艷福靚湯扮演的丫鬟月皎性格貪小便宜,且甘願賣身到青樓,原來「自甘墮落」背後,是想助窮書生情郎傅有為(謝東閔飾)考取功名,為愛無怨無悔。心穎扮演的月盈則鍾情「裘員外之子」洪永城,為了讓戀情浮面「坐正」,她竟一時想歪,用辦法令裘家一蹶不振,當洪永城得悉其「陰謀」,竟上演一幕「拜堂悔婚」,掀起全劇高潮!至於首演古裝的謝東閔可謂艷福無邊,既獲靚湯的情深,更得「富家千金」劉思希投懷送抱,三角關係引發連串笑料。

劉思希掛住笑戲中劉思希多次「色誘」謝東閔,例如打鞦韆時借意餵食,又於床上「生擒」,但效果樂而不淫,獲監製歐耀興大讚!謝東閔受訪時笑說:「我個角色雖然戇直,但都有貪念,覺得喺劉思希屋企好食好住,真係唔想走,某程度上都算背叛靚湯。好記得拍打鞦韆嗰場戲,我同思希忍唔住笑,搞到頻頻NG 。」至於與靚湯談情,他最難忘拍攝回憶

片段,感覺溫馨,他更打趣說:「呢套戲所有女仔都好叻,我同洪永城其實冇乜用。」而靚湯表示演員年紀相若,片場相當熱鬧:「大家成日帶零食返嚟分享,圍埋一齊食,好似BBQ咁,開工之餘亦好開心!」

陳婉婷黎振燁「苦戀最虐」

黎振燁形容他與陳婉婷這一對在劇中最「虐心」,二人同屬

外族,不約而同「勇闖」中原,因身份特殊本不應相愛,但趣味相投情不自禁,情海自然波濤洶湧!首次正式拍古裝劇的黎振燁自嘲身形「似碌竹」,卻要挑戰打戲,幸順利過關:「武術指導仲形容我係『武俠奇才』,雖然打得冇人

哋咁靚,但都記到招數,似模似樣。(有冇受傷?)撞瘀同擦傷點都會有。」而有泰拳底子的陳婉婷同樣要做「女中豪傑」,一展身手吸睛。

成功爭取!洪永城怕咗撇鬚

洪永城在劇中扮演「古代愛迪生」,經常躲起來發明及研究新事物,身為官宦子弟的他「不務正業」,其後才因家道中落而發憤。對於自己的演出, 他謙稱在「學嘢」:「好多前輩好似潘志文咁,舉手投足都十足古人,我企埋一邊偷師咋!好彩今次加入咗啲時代感,想同觀眾拉近距離,所以都算過關啦!」造型方面,原來他曾與監製「討論」﹕「佢想我有鬚,但我覺得唔係好啱我,於是佢要求造型記者會上加鬚,再問吓在場人士意見,結果都順應民意,我成功打甩咗撇鬚囉!」談到與心穎的感情線,他不想劇透,但大讚對方:「佢個角色機智、聰明又轉數快,好啱佢演,公司好多人都讚佢,不論收視點樣,我都希望喺呢個時候令觀眾開開心心、熱熱鬧鬧。」