徐熙媛親爆細妹小S曾「腋下開洞」 佘詩曼聽完嚇到o哂咀!

東方新地 - 娛聞

台灣女星徐熙媛(大S)最近擔任美妝節目《Beauty小姐》主持,之前就邀請到「順嬪」張嘉倪介紹自己皇宮咁大嘅屋企,今次就輪到「嫻妃」佘詩曼(阿佘)做嘉賓。期間,大S唔覺意爆咗細妹徐熙娣(小S)曾試過「腋下開洞」!

撰文:東方新地|圖片:影片截圖

延伸閱讀:

原班人馬歸位!鄭中基宣布明年開拍《龍咁威3》

驚人身家大揭秘!盤點鄭中基、林峯等25個富二代明星

《延禧》張嘉倪豪華大宅首曝光

張嘉倪因《延禧攻略》一劇人氣急升,今年8月產子後,極速修身回復S型身材令人噴噴稱奇!早前,佢接受大S徐熙媛主持嘅《Beauty小姐》節目擔任嘉賓,點知就爆出張嘉倪屋企原來超級大!

節目組特地去到張嘉倪屋企拍攝浴室,再喺錄影廠一比一還原,而當其他藝人嘉賓戴上VR眼鏡進入模擬浴室玩遊戲時,喺旁邊睇住嘅張嘉倪就笑住咁講:「我家浴室也沒什麼特別,只是小心別迷路。」

浴室大到放到呢樣嘢?!

張嘉倪寓所的浴室不但豪華寬敞,而且仲設有雙人蒸氣房,每日都可以焗桑拿出汗排毒!真睇到每個人不禁驚嘆一番!



睇到個一比一還原浴室,兩塊大鏡及兩個水龍頭,雲石檯上放滿佢梳洗嘅護膚用品,另一邊則係一個巨型浴缸,認真同人唔同人命…


不過最爆嘅係張嘉倪仲話唔會同老公一齊焗桑拿,反而會同屋企嘅小朋友喺浴室度玩捉迷藏!試問有幾多人可以咁做?


徐熙媛親爆細妹小S曾「腋下開洞」

最近,大S就請咗阿佘做嘉賓,大談保養心得之外,阿佘更講起拍《延禧攻略》時,要喺烈日當空45度嘅高溫下着住厚重嘅古裝,大S驚訝反問:「一直流汗頭髮不會黏不住嗎?」,阿佘就笑言:「頭髮上要黏很多髮膠!」

講到呢度,大S就無啦啦爆出小S原來好大汗,細個學琴手好易出汗覺得好困擾,於是去醫院用電燒方式,將汗腺割除,大S更憶述當時醫生喺小S腋下開咗個窿!

佘詩曼聽完嚇到o哂咀!

大S仲好仔細繼續講:「然後再伸一個內視鏡進去!」,而且話當時醫生仲叫佢「來看你妹妹的肺」,嚇到阿佘o哂咀之餘,在場人士亦非常震驚!

和大S見面5次就結婚原來是因為… 汪小菲親口公開閃婚感人原因!

過去被稱為「京城四少」的汪小菲從小就可以說是含著「金鑰匙」出身,母親是國際飲食集團「俏江南」的始創人,但是身處富貴家庭的汪小菲表示童年並不快樂,因為父母經常不在身邊陪伴,是他的童年遺憾。

汪小菲
汪小菲

在汪小菲的自傳《生於1981》中他表示第一次見到大S的時候就被她深深吸引了,書裡說:「孤獨的童年生活讓我的內心極為敏感,而成長於一個熱鬧大家庭的大S則有著一種溫柔坦蕩的氣質,初次見面時就深深吸引了我,和她在一起我總覺得踏實、溫馨。」

汪小菲表示和大S從想遇到結婚雖然只有很短暫的時間,但是他說了一句讓小編也覺得平淡卻很感人的句子:「結婚前過去28年裡嚮往的生活突然出現了,只是在對的時間做了一件很對的事情,緣份就是很奇妙。」

現在的他們從一開始姐弟戀到閃婚不被人看好,到現在育有一對兒女,經常在網上放閃,幸福得讓人羨慕,大S也終於找到了那個肯幫她剝一輩子蝦的男人,真的是非常幸運!

大S:從小到大吃蝦都是爸爸剝

大S喺近期播出嘅《幸福三重奏》節目中,大S聽到日本乒乓球國寶福原愛為台灣乒乓球選手老公江宏傑剝蝦時,即場露出驚訝的表情。之後對方問佢食唔食蝦,大S話唔食,對方問係咪覺得麻煩,大S話自己唔特別鍾意食蝦,因為唔鍾意剝殼,道出當中嘅原因:「從小到大吃蝦都是爸爸剝,自從爸爸不在後,自己就不吃了。我媽就說『吃蝦一定是要男人幫你剝』」吃蝦要男人剝,原來係阿媽教落嘅!

大S續說婚後如果汪小菲冇幫佢剝蝦殼,佢都唔會主動話要食蝦。

大S吃蝦論一出,除了坐佢對面嘅丈夫汪小菲露出驚訝嘅神情,其餘在場嘅2位老公,包括江宏傑、陳建斌都無言,唔知畀咩反應好喇!

人妻們就話叫男士學嘢,結果男子組都提起精神幫老婆剝蝦殼,江宏傑仲係咁爭住幫老婆剝蝦殼仲餵食埋,大家都忍唔信笑!

細心抑或有公主病?

大S「剝蝦論」一出,網民反應不一,有女生話另一半都經常給自己剝蝦殼,因為對方怕蝦殼拮到女友嘅手才會幫忙,這是細心的表現!但也有男、女生大唱反調,指要另一半剝蝦殼才肯吃是有「公主病」。大S回應「公主病」之說,話自己唔係特別愛吃蝦,而且剝唔剝都冇所謂,反正 可以讓老公有多一個方法去寵愛佢!

對於有網友留言指大S拒剝蝦殼有點造作,指兒時爸爸剝正常,長大了自己冇理由不懂剝。有網友為大S平反,指出她在節目中都表明情願唔吃蝦,也不會主動要求丈夫為自己剝蝦殼,大S回應話「你懂我」!


大S被踢爆 六年前曾話:我超愛剝蝦給人吃!

昨日,又有人搵番大S喺六年前發嘅一條微博,原來當時佢話好鍾意剝蝦:「本人不吃蝦,但超愛剝蝦給人吃。我想第九禁區的蝦人一定很恨我吧。」

汪小菲 寸爆留言護妻

「剝蝦論」出街後,有人批評大S公主病,但做老公嘅汪小菲當然喺微博反擊同護妻,佢話大S為自己生了好健康嘅小朋友,剝蝦呢啲小事由老公幫老婆做都好應該。汪小菲仲話有啲人要照顧兩老,又要做家務,如果連提出要老公剝蝦嘅小小要求都唔敢,咁做人老公嘅都應該好好咁檢討下。

大S 閃嫁「京城四少」

徐熙媛(大S)跟「京城四少」之一的汪小菲於2010年註冊結婚,成為幸福闊太;他們只見面4次就閃婚,更一度成為熱話。

大S與汪小菲
大S一家

汪小菲現為自己創辦的和麟置地董事長。2012年亦創建合潤麟(北京)食品有限公司,出任董事長。汪小菲領導創建了俏江南旗下另外兩大品牌,針對頂級商務人士的高檔奢華會所「蘭會所」,和針對年輕時尚人群的頂級時尚概念品牌餐廳「SUBU」等。

汪小菲早前更以太太大S為名在台北投資名為「S Hotel Taipei」的酒店。
汪小菲以大S為名在台北投資名為「S Hotel Taipei」的酒店。

大S和汪小菲2010年結婚,二人婚後十分恩愛,經常在微博公開放閃。大S在2014年誕下女兒汪希玥、兩年後再誕下兒子汪希箖,今年4月承認陀第三胎,不過個多月後,大S發聲明表示因為胚胎「發育不全」,她和家人商量後,決定終止懷孕,幸而丈夫細心照料,大S很快走出小產陰霾。

嫁入豪門,女星,豪門,豪宅,嫁入豪門女星

大女是「Mini版杉菜」

汪小菲早前罕有在社交網上載了四歲大女汪希玥的正面相,並留言:「玥兒的小夥伴叫小米,玥兒長大了,她們還是好朋友。」有網民將小玥兒與當年大S演出角色「杉菜」的相片作對比,原來兩母女五官及神情勁相似,是「Mini版杉菜」!

大S去年都罕有PO囝囝汪希箖嘅相出嚟,仲留言話:「僅此一次!我的白馬王子!長大不給看了! ​​​​」希箖笑瞇瞇食手仔,勁可愛!

有片睇:

延伸閱讀:

新歡張馨月得寵示威 林峯拒吳千語𢱑翻撻