徐天佑被外父催生B:我哋生出嚟一定靚!

東方日報
天佑享受工作帶來的滿足感,希望可歌影兩邊發展!


藝人徐天佑與拍拖8年的圈外女友Olive結婚兩年半,坦言被外父催生B,指對方經常借意提及此話題,令他與老婆亦開始認真計劃這項人生大事,更笑言二人出品,必屬佳品!


徐天佑早前現身瑞士天梭表全球首間期間限定咖啡店,他自言有收藏手錶的習慣,亦曾想過送名錶給太太:「佢就會問我啲Taste得唔得,都係送鑽石最好最直接。」講到有否為人生設下不同的時間點?他說:「啱啱出道嘅時候就希望可以十年時間去到紅館開演唱會,但有一啲目標就唔可以Set死自己,冇話30歲就結婚、幾歲就生BB,因為有太多變數。」


以前唔鍾意小朋友


不過天佑坦言開始被外父催生B:「阿媽冇催我,佢好自由,但係外父都有啲聲音畀我聽到,例如食飯又會提吓,問你哋有冇計劃呀?啱啱結婚嘅時候會隨口噏吓,因為我同老婆嗰陣時冇認真傾過,到呢兩年又真係開始傾,差唔多個人開始定啲,希望呢一、兩年落實,但我老婆又好忙,我又覺得佢身體潺潺哋,大家要夾吓時間多啲見面先得!」他又直言從前不喜歡小朋友:「自己係細仔,好怕見到其他小朋友,我畀人寵壞咗,但係呢幾年見到啲朋友嘅仔女好得意,覺得原來小朋友唔係咁難相處,同埋我哋生出嚟一定靚嘅,自己嗰個點睇都靚,哈哈!」


拍戲為攞獎冇意思


工作方面,天佑希望歌影雙棲發展:「我以前諗拍戲就要係攞獎,但根本咁樣係冇意思,之後就去享受,得到嘅滿足感仲大,依家想拍一啲倫理生活嘅古仔。」至於會否拒拍情慾戲?他笑說:「拍電影揀角色方面,我就覺得老婆暗地裏想控制,但我明白自己職業唔係一般人,我本身個專業都係呢一方面,我唔想日常生活影響到工作,不過佢有時會問吓有冇親熱戲o架?我就會講個故事畀佢聽,由佢自己去調節,大家有商有量。」


文:專案組


化妝:Nikei Mak


服裝:Scotch&Soda


髮型:Louis Tse@Number 8


手錶:Tissot Everytime Swissmatic


場地:TISSOT Swissmatic Pop-up Cafe by BREAD,ESPRESSO &

天佑是家中的細仔,自覺畀人寵壞咗!
天佑與老婆認真Plan造人大計!

 

是日精選

日本殿堂級歌手-63歲西城秀樹病逝-樂迷悼念-與梅姐天上重聚
眼鏡派對-群星鬥晒黑超-阿佘大病初瘉-唔恨男友照顧
香港頭號粉絲-梅姐癡戀西城失婚約
兩度中風-不棄舞台-西城秀樹心衰竭病逝享年63歲
黃翊擬帶太太內地換腎
黃心穎怒起飛腳馬國明讚溫柔
馮盈盈愛波牛最緊要粗
李美慧閃嫁曾文豪-曾昭亮唔敢嗌媽咪