【後生仔傾吓偈】馮盈盈過年被親戚關心:最怕被問點解分手

【後生仔傾吓偈】馮盈盈過年被親戚關心:最怕被問點解分手

馮盈盈去年12月底於IG宣布同醫生男友分手,其後亦有在記者會上交代分手原因,仲愈講愈傷心,最後喊住咁收場。不過,原來成件事仲有後續,事關喺新一集《#後生仔傾吓偈》中,當提到過年要面對親朋戚友四方八面的「關心」時,盈盈就話:「好多人好想好主動咁關心你嘅事或者你同其他人嘅事,但其實你真係唔係好想答、唔係好想講,嗰刻真係唔知點樣應。」

盈盈表示喺記者會交代分手一事後,隨即返公司開工。「咁有可能啲新聞都未出街,所以有好多人都未知,入服裝間換衫時,遇到著名嘅DJ,有兩位DJ我都都好i love them、i love them so much,佢哋可能真係未睇娛樂新聞,所以一見到我就好親切咁打招呼『盈盈好耐冇見,話時話,你幾時結婚?』啲時間真係有咁啱得咁啱,朝早講完,下午就開記者會,全場呆咗、靜咗。」由於呢兩位著名DJ嗁問題實在太尷尬,搞到在場所有人都唔知點收科好,而身為主角嘅盈盈就話最後都係靠自己。「我同佢哋講『今朝講咗分手lu,我去換衫先 』」雖然盈盈話講呢個故事係想等大家開心笑下,但當大家聽完之後,仲點笑得出。 

點擊瀏覽《香港01》更多內容和圖集

你可能感興趣:
【後生仔傾吓偈】馮盈盈自認無義氣 超自我中心:使人都使得幾盡
【後生仔傾吓偈】馮盈盈專揀靚仔 父母教要先同居:咁先知夾唔夾