【後生仔傾吓偈】蔡嘉欣面試已多是非 講到眼紅:有一刻後悔參選

【後生仔傾吓偈】蔡嘉欣面試已多是非 講到眼紅:有一刻後悔參選

《香港小姐2019》已經圓滿結束,三甲亦順利誕生,一班落選嘅佳麗包括蔡嘉欣、梁敏巧、姚懿芠、楊詠彤、廖倬竩和謝采芝作客《後生仔再同港姐傾吓偈》。賽前一直被視為大熱嘅蔡嘉欣,喺節目中提到早在半年前已準備參選,所以大家先有機會見到佢喺半空以布帶倒吊並做出高難度動作。

蔡嘉欣喺節目中提到年初曾經去睇相士,但對方就指佢「今年選都係陪跑」,但問到點解被批陪跑都要參選,蔡嘉欣就只係笑笑口咁話:「呢個就要留大家一個懸念」。之後,幾位落選佳麗覺得自己輸咩時,蔡嘉欣坦言自己形象並非傳統港姐系列,所以一直對三甲位置無太大信心。提到參賽期間嘅各種報道,蔡嘉欣一開口就已經忍唔住喊出嚟:「真係由參選第一日已經有好多負面聲音出現,其實有預計,因為自己喺網上已經有一段時間,但無預計係咁快。」蔡嘉欣表示負面新聞一單接一單,就連紋身都被發現,被她曾有一刻後悔報名參加港姐,最後幸得身邊的工作人員開解,「所以就算輸咗都俾自己一百分。」 

之後輪到4號姚懿芠自評落選原因時,估唔到佢一開口竟然係「衰樣衰囉。」直接到連一眾後生仔都呆咗,6號即時反駁,指姚懿芠至少都入到8強,話自己樣衰如同當評判一樣,麥明詩接力表示:「佢不但當評判盲,仲當揀佢入嚟嗰幾位高層盲,因為其實係高層揀入圍佳麗。」估唔到姚懿芠仲係唔改口,繼續話自己樣衰之餘,仲話自己個樣唔係特別精緻……

點擊瀏覽《香港01》更多內容和圖集

你可能感興趣:
【收視滯後報告】港姐2019破歷史新低 《她她她》勢成今年包尾
【港姐2019】蔡嘉欣有意加入無綫拍劇做主持 會繼續經營網店