【後生仔傾吓偈】江嘉敏fact check唔檢點藝員 爆曾合作:身材好

【後生仔傾吓偈】江嘉敏fact check唔檢點藝員 爆曾合作:身材好

最新一集《後生仔傾吓偈》以「fact check」為題,身為嘉賓嘅江嘉敏表示佢嘅FC係盡量問當事人,並舉例說明。「我要同A artist合作,我都問同佢合作過周邊嘅同事、朋友佢份人係點,我都會聽到好多關於A嘅八卦嘢佢係姣婆點點點,我係唔會信,我會問唔同嘅人關於佢個人係點。」江嘉敏仲話聽聞過呢位A同事好唔檢點,並指「可能因為佢身材比較姣好」,又謂「同埋佢本身把聲都比較溫柔啲,所以會令人有所誤會」,仲有「我聽到一啲流言話佢會去姣啲高層,食飯、gathering時佢會無端端喺手袋拎劇本出嚟」

到底呢位A同事係邊個呢?江嘉敏當然堅拒透露,但話自己同A合作之後,發現對方「本身比較溫柔啲,好鍾意照顧人,因為佢本身係一個大家姐,所以佢對男對女演員……」問到有無同A同事變為好友,江嘉敏即時大笑表示:「我唔會話你知」聽到呢個答案,一眾後生仔都認為江嘉敏同A已經係好朋友關係,江嘉敏之後仲話「A同事身材好係事實」。同江嘉敏合作過嘅女藝人確實係唔少,不過如果以「身材好」、「變為好友」、「大家姐」嚟講,《福爾摩師奶》嘅陳瀅、《3日2夜》嘅劉穎鏇,仲有《降魔的2.0》嘅劉佩玥都好大嫌疑。

點擊瀏覽《香港01》更多內容和圖集

你可能感興趣:
【後生仔傾吓偈】討論生雞子點醫暗瘡 馮盈盈:諗起都腥吖
【後生仔傾吓偈】方力申同Stephy仲係朋友:我哋仲喺同一個group