彭皓鋒離巢後闖出一片天 已經係影帝級人馬

彭皓鋒

近年越嚟越多無綫藝人選擇離巢,向外闖嘅佢哋太多都有好好嘅發展,

除咗一線藝人之外,講緊嘅仲有無綫深夜播映中嘅重播劇《烈火雄心3》中飾演鄭嘉穎與王喜前上司嘅「綠葉王」彭皓鋒。

彭皓鋒

1996年投考第九期無綫藝員訓練班,再參加新秀歌唱大賽後正式成為無綫電視合約藝人,雖然入行多年,參與嘅劇集超過百套,不過一直冇機會上位,主要都係飾演閒角,通常扮演黑社會或者追數佬等角色,所以被稱為「御用惡人」。

彭皓鋒

大家可能聽名未必知佢係邊個,如果講到佢係女歌手彭家麗嘅親生細佬,大家都可能略知一二。隨着加入電視台嘅日子越嚟越長,皓鋒開始明確覺得自己需要行嘅路唔係咁容易,而且能夠拍劇機會嘅角色亦都大大減少。入行16年後,喺2012年佢決定唔再續約,轉投王維基旗下嘅香港電視。好景不常,加入香港電視後可惜不獲發牌,但幸好及時有機會能夠跟無綫電視梅小青監製拍內地劇《衛夫子》,所以皓鋒慢慢緊轉戰內地。

成功轉戰內地四年,2016年時皓鋒憑述一套講師生故事嘅內地網絡電影《老師上錯身》成功喺美國電影節《US Hollywood International Festival》中奪得最佳男配角獎,演技被受肯定!皓鋒本身獲得邀請出席頒獎典禮時,本着心態只係坐下影吓相出席大型活動,完全冇諗過自己會獲得一個咁被獲得肯定嘅獎項,所以實在驚喜!不過就坦言自己媽媽已經唔係身邊,唔能夠親眼睇到佢呢一個獎項,係一個遺憾。而喺2017年,佢又憑電影《破冰》奪得「加拿大金楓葉國際電影節」網絡電影組別「最佳男主角」,揚威國際,被封為影帝級人馬!

彭皓鋒

除咗係一個好演員之外,其實佢仲係一個好老公好爸爸。雖然長期要在外工作,不過佢仍然非常照顧老婆同埋3位小朋友,只要一有時間就會陪佢哋出街,如果要返工嘅時候,就唯有靠視像去維繫感情。

另外,嚟緊嘅無綫台慶劇《解決師》,都有彭皓鋒嘅演出,佢將會喺劇中飾演一名澳州嘅黑幫老大。

彭皓鋒