張馨月避談做「峯嫂」林夏薇踢爆未派帖

東方日報
張馨月(左)單拖到賀,費事情侶檔搶晒Fo。

擁有十多間食肆的林夏薇再投資開新店,雖然堂哥林峯冇到,但「阿嫂」張馨月到賀,又踢爆對方未派囍帖。

藝人林夏薇在山頂開設的麵店昨日開張剪綵,圈中好友洪永城、蕭正楠、陳敏之及張兆輝等撐場。林夏薇的堂哥林峯雖未有現身,但派出「準老婆」張馨月到賀,問到是否12月8日與林峯結婚?張馨月婉拒受訪並步入店內。

林夏薇自言因喜歡食麵而開麵店,與拍檔投資七位數,並非老公打本,又指現時市道麻麻,生意有一定壓力:「盡做啦!因為上年已經開始計劃。」當問到有傳林峯於下月結婚?她笑說:「係有好消息,但係具體時間未知,仲未收到囍帖。」

張兆輝新片爛尾冇損失

另外,有傳張兆輝參演的內地新片《老家伙們》因經濟不景,缺乏資金而爛尾,他說:「本身有我份,但係未開過工,當時喺橫店拍緊另一套劇。(收到訂金?)呢啲係公司安排,公司叫我行就行,拍古裝就拍古裝,依家都拍緊另一套劇。(取消有冇損失?)好好彩,我啲工作一直跟足流程。」又透露近日忙於Keep Fit及學打高爾夫球,準備女兒由英國回港後父女切磋。

林夏薇見張兆輝,即熱情拖實手仔。
陳敏之撐老友林夏薇場。