張頴康晒愛笑老婆難逃「魔掌」

東方日報

藝人張頴康與麥雅緻2012年結婚後育有一對子女,日前是兩人拍拖13周年紀念日,他於社交網上載全家福,又回憶交往經過,笑指今日能如此幸福,全靠當年一場戲:「影得成呢張一家四口嘅相,全靠一個無知嘅女仔,喺13年前嘅今日畀我呃咗出嚟睇戲!我諗呢個女仔當時完全估唔到,睇咗一場戲之後,竟然從此逃唔出我嘅魔掌,仲要生咗兩個小朋友!」

他更大講愛的宣言冧太太:「既然我都唔知點先可以補償你嘅損失,所以我決定,以後繼續愛你一個,繼續錫晒你,令你永遠都逃唔出我嘅魔掌!老婆!我愛你!我永遠愛你。」