張達倫追個得意妹

東方日報
張達倫做爸爸後感覺圓滿,生多個女就Perfect喇!

張達倫在劇集《愛.回家》中的暖男律師形象深入民心,現實中的他不但同是暖男,更是暖爸,早前他接受東網巨星節目「海馬牌床褥特約」《閨蜜睡房之Brother來了》訪問,與主持李文珊分享與太太Kimmy的一段情。

原來張達倫自小已認識Kimmy,但沒深入了解,直至N年後重遇,緣分令他改變不想生育的想法,他說:「最開心係碩碩嘅出現,因為我完全冇諗過生BB,但遇到太太後就諗,一個完整家庭係咪應該有個小朋友呢?大家傾過,覺得不如試吓!(見徐榮個女好得意,都想生番個女?)係呀!如果真係生女嘅話,即刻生!」

對繼女愛屋及烏

碩碩出世時的乳名叫「勁揪雞」,張達倫指囝囝說話多多,若改名「口水B」更適合:「平時揸車返屋企,佢可以自言自語講足一個鐘,係幾恐怖嘅一件事。」他愛碩碩,同時也愛太太與前夫所生的混血女兒,覺得愛太太就應包容她的一切,不愧是暖男!

他參演的無綫劇集《黃金有罪》正在熱播,最近還簽約杜琪峯旗下,在影壇展拳腳,他希望用演技感動觀眾:「我喊,佢哋會喊,我笑,佢哋會笑,我覺得呢樣嘢最緊要!」他笑指杜Sir外表威嚴,尤其是不笑的時候,令他戰戰兢兢,但接觸後卻大為改觀。想知道更多?記得本星期五、六、日收睇《閨蜜睡房之Brother來了》!

張達倫向主持李文珊分享與青梅竹馬太太的一段情。