張衞健自爆當年與張茜結婚留遺憾 15年後決定親手彌補!

東方新地 - 娛聞

早前TVB劇集《大帥哥》叫好叫座,收視節節上升,當中原因緊係唔少得因為有闊別本地電視圈多年嘅張衞健(Dicky)坐陣劇集!最近Dicky為內地綜藝節目《熟悉的味道》做嘉賓,大爆當年因一事而對太太張茜一直耿耿於懷!

撰文:東方新地|圖片:微博

張衞健情路波折

話說,張衞健(Dicky)與太太張茜結婚至今已不經不覺15年,不過二人依然恩愛如昔。然而愛情路上,Dicky從來都唔係一帆風順。曾經,Dicky就被圈外女友劈頭扔下一句「不如我們分手吧!我不想跟你拍拖,如果嫁給你,買個LV都要等半年!」,而被分手。

張衞健

其後,另一位前度亦試過當住Dicky面鬧:「我不是要嫁一個有錢的老公,但是你連自己都養不起,怎麼養我?」幸然,現在嘅Dicky已遇上一位單純樂觀而又不貪慕虛榮太太張茜!

張衛健
張衛健

與張茜結婚留遺憾

雖然張茜比張衞健年輕9歲,但Dicky對佢一見鍾情,而且喺張衞健頻臨破產時,張茜亦留喺Dicky身邊不離不棄!不過當年二人結婚時,由於張衛健投資失敗面臨破產,而張茜為不想增加Dicky嘅負擔而決定網購一件二手婚紗!

Dicky婚後一直對此事耿耿未能釋懷,所以為了彌補當年遺憾,佢親自於節目上設計結婚頭紗及炮製愛心餐俾太太。15年後Dicky親自送上結婚頭紗,並為太太戴上及向張茜告白:「我們不希冀激情澎湃,但求細水長流。」

對此甚為感動嘅張茜表示婚後雖然唔係經常一齊居住,但反而令佢哋更信任彼此,更道出自己所悟出嘅婚姻之道:「每一個人的婚姻都有他自己的活法,這段距離磨練了我們,使我們其實更懂得婚姻的一些真諦。」

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇