張秀文被爆夜會尹子維撐枱腳:我睇報導先知佢有女朋友

香港01
1 / 1
張秀文被爆夜會尹子維撐枱腳:我睇報導先知佢有女朋友

張秀文(Sammi)昨晚(16/3)為《博愛歡樂傳萬家 2019》籌款活動擔任大會司儀,談到最近被指在酒吧夜會尹子維把酒談心,疑似介入男方與內地女星徐冬冬戀情一事,Sammi接受《香港01》訪問時澄清說:「我同尹子維係傾工作,其實大家都冇問大家嘅感情嘅事,藝人之間都好少會八掛對方嘅感情事。」

(你哋點樣認識?)「因為內地同香港都有合作嘅可能,咁所以因爲呢個關係大家就聯絡上。」(本身知唔知佢有女朋友?)「我都係睇報導先知道,而我又唔會私底下問佢而家嘅情況係點樣呀,我唔會問,總之傾返我哋自己之間要傾嘅工作上嘅嘢。」(怕唔怕人哋有誤會?)「始終我都會與佢保持距離,唔會有咩身體接觸咁,我諗佢哋之間自己會交代,冇理由我幫佢交代㗎,我覺得佢哋會處理好嘅。」

(覺得尹子維個人點?)「覺得佢個人好Nice,雖然細細個睇佢電影,佢做好多反派嘅角色,但識咗佢真人之後,覺得佢個人有好多理想,亦都有好多邏輯上嘅嘢,原來佢好叻,連我都估唔到,我本身好欣賞有理想同埋有學識嘅人,佢確實係嘅。」(點解報導出咗街後要立即澄清自己單身?」「因為好多時候被問到回應時都會問到:『好似有緋聞男朋友喎?』,咁其實我都想從新一次宣布我係單身。」

點擊瀏覽《香港01》更多內容和圖集

你可能感興趣:
張秀文夜會尹子維陷四角戀? 即宣布與前經理人男友結束7年情
【中華小姐2019】黑紗晚裝性感壓場 張秀文:咁出街會增加意外