張曦雯拜年唔怕催婚

東方日報
張曦雯打算請食飯,多謝男友「忍」得!

張曦雯在台慶頒獎禮奪得「飛躍進步女藝員」,本打算與馬國明夾份請客,但「視帝」爭住做東,惟有下次再請。

忙拍《踩過界II》的她難得農曆新年有3日假期,卻揚言恨開工:「因為屋企人唔喺香港,男朋友又係外國人,除咗初一去婆婆屋企拜年,之後就冇節目,都係留喺屋企同男友打機。(婆婆會唔會催婚?)唔會,佢最開心係見到我攞獎,佢係無綫劇嘅Fans,所以台上都有多謝佢。(點獎勵自己?)冇喎!一向對自己不薄,都幾捨得使錢,可能會請男友食飯,因為開工少時間見,多謝佢容忍到我嘅時間表。」

郭晉安(左起)、張曦雯、唐詩詠、李佳芯與馬國明食飯慶功。