張曦雯感受黑暗決戰盲俠

東方日報
Kelly拎起盲公竹,試行一小段路。

藝人張曦雯將加入劇集《踩過界II》,前日與「盲俠」王浩信齊齊感受黑暗,更閉眼共舞!

王浩信、張曦雯(Kelly)與張振朗等將開拍無綫劇《踩過界II》,今次浩信會演回上一集的「盲俠」角色,至於新加入的Kelly亦要挑戰做盲人,二人有不少對手戲。

王浩信輕鬆上手

前日,他們到香港盲人輔導會做準備,浩信演「盲俠」相當出色,更憑此奪視帝獎項,今次再演此角,他說:「希望盡量做好啲,可以再喺唔同平台畀多啲觀眾睇到我哋嘅劇。今次好快就Pick up,因為上一集拍時都盲足幾個月,好多嘢快上手。」Kelly飾演一名律師,為了贏「盲俠」而將自己變成盲人,她說:「試過用盲人竹行路,感受地下凹凸位,合上眼發覺感官特別敏感,連空間大細都感覺到。」

劇中有一場跳舞戲,二人閉眼試跳一次,Kelly說:「《解決師》我哋做情侶,所以有默契喺度,Feel到我哋係夾嘅!就算兩個都睇唔到,亦好似真係跳到舞咁。」

與王浩信閉眼起舞,別有一番滋味。