張曦雯大難不死被睇好攞獎

東方日報
馬德鐘與張曦雯呢個情侶組合,甚受劇迷歡迎。

藝人馬德鐘與張曦雯(Kelly)在無綫劇集《跳躍生命線》中的情侶組合深受劇迷歡迎,兩人前晚現身飯局時,Kelly稱不少網民跪求開拍續集,馬德鐘又揚言睇好她得獎。

馬德鐘、張曦雯、劉佩玥及何廣沛等前晚出席《跳躍生命線》飯敍,大會安排假髮給演員戴,非常搞笑。昨日劇集播出最後一集,不少劇迷對馬德鐘與Kelly這對有情人最後能否一齊非常肉緊,劇中馬德鐘現任女友Kelly步前妻李佳芯後塵遇車禍,幸好最後避過一劫,讓他逃離天煞孤星的命運。馬德鐘大讚結局特別,對於劇集收視有好成績,他坦言未有機會問監製會否拍續集或前傳,但若成事他定必度期演出。問到有否信心攞獎?他直言相比起個人獎項,更想劇集攞獎,又指看好何廣沛及Kelly得獎。Kelly謂不少網友對劇集大表不捨,未結局已跪求開續集。

冇咩秘密唔驚起底

另外,Kelly被起底指出身一般,她反而開心:「因為我出嚟個形象係畀人覺得好高咁,我都只係普通人,後來去咗外國讀書讀得好,呢個係開心嘅故事,唔係咩秘密。」她又澄清改名並非為轉運:「媽咪話同我睇醫生嘅時候,發現好多人都叫張詠欣,兩歲嘅時候爸爸幫我改名,冇搵相士,不過幾年前同蘇民峰合作節目,佢話我個名改得好。」

而劉佩玥也贊成開續集或前傳:「開前傳講我入學堂,我之前有同監製講點解唔講我同其他人一齊去學堂,佢話啲頭髮要剪到好短,我話冇問題,希望可以操弗啲,我捱得(口架),最好可以寓工作於Keep Fit。」

一班演員出席劇集飯局歡聚。
劉佩玥講起開續集,大表興奮。