張智霖遲咗捐骨髓留憾

東方日報
張智霖與歐鎧淳宣揚器官捐贈。

藝人張智霖(Chilam)、歐鎧淳、劉家聰與陳倩揚等,昨日到尖沙咀出席器官捐贈宣導活動,Chilam自言有登記:「我都好用心保持自己副『偈』,畀下一個人用。(太太袁詠儀知情?)知!呢啲要尊重家人意願。(太太有登記?)有!我哋必須要步伐一致,先可以一齊行咁多路。」又透露曾有機會捐贈骨髓:「有次拍完戲返香港,收到信話有合適對象,但打去已經為時已晚,覺得係好大遺憾。」

同場的劉家聰早前接受腦瘤切除手術,表示現已康復:「醫生話切唔清,之後做咗30次電療,係醫療人員幫我平復心情,依家都想幫人,加入醫療輔助隊做顧問。」