張智霖誓「雪」恥

東方日報
張繼聰(右起)、陳靜、黃百鳴、周秀娜及張智霖前晚出席賀歲片首映。

張繼聰、張智霖(Chilam)、陳靜、周秀娜、黃百鳴等前晚出席賀歲片《家有囍事2020》首映。Chilam受訪時透露太太袁詠儀(靚靚)有工作在身,未能現身首映禮,其母則有到場,又說稍後會帶兒子魔童睇戲:「呢部係佢第一部睇我嘅戲,之前佢仲細,依家大個咗,應該明白劇情嘅轉接。」

袋定利是派街坊

Chilam與阿聰農曆新年不約而同去日本度歲,將到北海道滑雪的Chilam,早前被太太上載滑雪片段取笑他水皮,他澄清:「之前因為部戲未煞科,依家可以大顯身手,畀佢知我嘅厲害,希望帶啲精彩片段畀大家睇。(一雪前恥?)佢好乞人憎。(係咪阿仔滑得好啲?)應該㗎!佢矮啲,平衡力好啲!」又說會準備利是傍身,派給在當地遇見的朋友,在旁的阿聰亦笑言要效法:「你講完我都要袋定先。」

阿聰今年有兩片賀歲,被取笑自己打自己,他說:「絕對唔係,係Chilam大戰子丹哥,演就做好自己本分,會盡力宣傳,希望氣氛歡欣啲。」

張智霖與張繼聰不約而同新春去滑雪。