張文慈網上相睇照殺!

東方日報
張文慈與尹天照有意搞慈善首映,為病童籌款。

藝人張文慈(Pinky)及尹天照昨日出席活動,為患雷特氏症病童籌款。首次接觸這種病症的二人,透露現時有一種儀器協助病童與別人溝通,惟每一部儀器加受訓課程合計約六萬港元,記者提議兩人為主演的福音電影舉行慈善首映,他們均直言可以考慮。

Pinky大爆最近經常與尹天照以「夫婦檔」接洽商演,問到尹天照的太太可會呷醋?他笑說:「梗係唔會,太太好大方,自己都冇乜緋聞。」Pinky笑回:「要傳都唔同我啦!」續指5月會與家姐展開郵輪之旅遊歐洲:「細個嘅夢想係同老公去,但等嚟等去都等唔到,咁就自己去咗先。(識外籍人士?)都可以試吓,我會努力!」又自爆曾有朋友叫她上網相睇,她笑說:「試吓啦,唔會放棄任何機會!」