張敬軒食胡作唱到漏口兼想嘔

東方日報
節目中,張敬軒不停「想當年」,並自爆花名由來。


歌手張敬軒的唱功向來毋庸置疑,獲不少粉絲支持,早前他宣布將於6月在紅館舉行演唱會,掀起一陣撲飛潮。日前他接受東網巨星節目訪問,直認唱自己名曲《酷愛》「唱到想嘔」,更大談花名如「皇上」、「降兩度」等的由來!


入行以來,軒仔唱過不少為人熟悉的歌曲,其中《酷愛》更是不少粉絲至愛,絕對是演唱會必唱名曲之一,他說:「呢隻歌唱得最多,唱到想嘔,冇漏口都唱到有漏口,但係呢首歌好有Power,所以呢隻歌無論喺我任何一個騷,都係一首『食胡』嘅作品。」


口頭禪「激死朕」


除了唱功,軒仔的花名亦同樣備受關注,他亦大方細訴「皇上」、「降兩度」等花名的由來。當中提到「皇上」之名時,軒仔笑言可能自己難頂:「真係唔知個名點嚟,可能我難頂?我估一係最早嘅時候,我成日同身邊同事講:『真係激死朕』、『笑死朕』,所以啲人叫叫吓就叫咗呢個名,之後就成行都咁叫,但其實呢個名我真係受唔起。」


升幾度變咗徐小鳳


至於「降兩度」這個花名,軒仔坦言完全預料不到:「我冇諗過將女歌手嘅歌降兩度或者四度就係我把聲,亦冇諗過我把聲升幾度就變咗徐小鳳把聲,所以覺得幾好笑。」而軒仔更即席大展「降兩度」歌喉,唱吳雨霏的歌曲《我本人》,場面搞笑!


文:專案組


https://bit.ly/2GoQaRy

即將開騷的張敬軒,現身東網巨星接受訪問。

 

是日精選

日本殿堂級歌手-63歲西城秀樹病逝-樂迷悼念-與梅姐天上重聚
眼鏡派對-群星鬥晒黑超-阿佘大病初瘉-唔恨男友照顧
香港頭號粉絲-梅姐癡戀西城失婚約
兩度中風-不棄舞台-西城秀樹心衰竭病逝享年63歲
黃翊擬帶太太內地換腎
黃心穎怒起飛腳馬國明讚溫柔
馮盈盈愛波牛最緊要粗
李美慧閃嫁曾文豪-曾昭亮唔敢嗌媽咪