張敬軒恨拍拖:愛無分性別

東方日報
被人追慣的軒仔,自爆過去幾年有不少霧水情緣。


歌手張敬軒為宣傳「復出」新歌《缺》,自爆多年來情緣不缺,只是自己性格太麻煩又有偏執狂,會在餐叉中追求快感,故目前未遇上結婚對象,不過讚「密友」關智斌是難得的知音人,力指與對方感情從未變。


張敬軒去年3月宣布「短期休息」後,今年初推出新歌《缺》,日前他在旗下的餐廳受訪時,談及自與關智斌(Kenny)傳「友情」不再後,鮮有新緋聞登場,不過自信的他大爆:「過去幾年都有啲霧水情緣,幾個都係工作上認識嘅,大家Feel到互有好感。我都係個好材料,大人大姐話冇你都唔信啦,不過係空歡喜一場。」


生活快感源自叉


慘變「擦身情緣」,軒仔只怪自己性格太水瓶座,直認是麻煩友,望住餐枱上的銀叉說:「我生活快感來自一隻叉擺得正唔正,我唔係易相處嘅人,有偏執狂,摺衫要起角,暫時都未搵到一個我可以包容佢所有嘢嘅人,好似買傢俬咁,要擺兩人座位時自然會騰出位置。」


現年37歲的軒仔坦言恨拍拖,想搵位可以「陪到釘蓋(到死)嘅人」,至於理想對象條件,不但要持家有道,事業上更可扶助他,外表及財富也不重要,最緊要有「Feel」,可惜人選未出現。問他是否很享受被追,他強調並非講風涼話:「做呢行無論男女都會向你示愛,可能被人追慣,應該搵啲高難度,我去追人。」問到可會降低條件,他堅持寧缺勿濫:「唔通搵個篤眼篤鼻返屋企咩,隨緣,上帝自有安排。」


關智斌仲好Close


提到多年「密友」關係的Kenny,軒仔重複兩次指:「我哋仲係好Close。」並大讚Kenny是難得的知己:「喺香港我都有見面,阿Sa(蔡卓妍)生日大家都喺度,好難搵到個我講嘢,佢又聽得明嘅人。」問到可接受男性追求?他直言:「做藝術嘅人,對愛係無分性別。」


文:音樂組


場地:仙后餐廳

軒仔大談擇偶條件,要持家有道之餘,更要啱Feel。
去年阿Sa生日,軒仔與關智斌(右)齊為壽星女慶祝。

 

是日精選

翠如tony相識10年赴日拍廣告-粉絲-幾時再拍旅遊節目
果欄中的江湖大嫂-惡人菊-甄詠珊-唔怕被定型
果欄中的江湖大嫂-陳煒最索-馮盈盈最靚-5個女角色逐個睇-究竟邊個最正
小方獲媽咪搭路追靚女-楊怡求秘方生b無壓力
林芊妤風騷自爆或閃婚
師兄踢波發洩封嘴避談-分-訊
劉綽琪老公不敵癌魔辭世
張敬軒恨拍拖-愛無分性別
吳啟華改口風buy萬子認抵打
黃翠如自爆被洪永城鬧喊
祖兒首談分手-太多事處理唔到