張敬軒孭飛債斷六親

東方日報
向來活潑的軒仔抱恙,沒精打彩。

歌手張敬軒昨日出席手機活動,近日發燒的他聲音沙啞,說話有聲冇氣。問到是否為好友關智斌擔任演唱會嘉賓而病倒?他笑說:「佢唔係我好友,係師兄。已經發完燒,但係聲帶發炎,因為開咗間新Club,呢兩、三個月要去睇工程,積埋積埋就病咗。」軒仔將與香港中樂團舉行3場演唱會,打算放假一周,在家好好休息養聲。惹來一身「飛債」的他笑言很頭痛:「折墮啲講,依家真係好怕開演唱會,因為黃牛嘅壓力唔止去到公司,仲落到藝人身上,有啲歌咪話如果幫唔到佢哋買飛,就惟有炒黃牛飛!今次買飛不設內部認購,同事都要自己出去撳飛,當然會以歌迷利益為先。下次再開演唱會,要諗定啲飛點搞先。」

他笑稱每次開騷都難向親友交代:「之前開六場演唱會,我同公司落700張飛,結果只分到130張,真係冇得交代。開演唱會就斷六親,好難做,順得哥情失嫂意,每次分飛真係『分飛燕』咁!」