張振朗飛躍進步 公開感謝最愛

東方日報
張振朗喊住領獎,感謝母親背後支持。

「飛躍進步男女藝員」分別由張振朗及張曦雯贏得!振朗得知得獎即眼濕濕,接近失聲的他激動致詞,直言「好鍾意演戲」,又特別多謝家人:「仲有我最愛嘅女人,我阿媽!相信佢喺屋企笑緊我又喊喇!最後希望大家唔好再話我係翻版邊個,我係張振朗!」他自嘲花名「地獄黑仔王」是「開心事」,因演員要更多經歷,在後台笑言終於「破地獄」。

至於張曦雯(Kelly)上台時開心到口震震,表示很高興在無綫找到熱愛的工作,並感謝一眾高層信任。她在後台表示會致電父母及外籍男友報喜:「男友聽唔明講乜,但知我攞獎有傳短訊恭喜我!(下個目標視后?)梗係!打咗支強心針!」

張曦雯飛躍進步,得獎實至名歸。