張振朗顯「新」手搵姜麗文較飛

東方日報
張振朗考咗牌冇耐咋喎,載埋姜麗文掂唔掂o架?

張振朗和姜麗文(Lesley)昨日為無綫新劇《踩過界II》拍攝一場電單車追逐場面,成功考獲電單車牌的振朗,終有機會大顯「新」手,載着Lesley在行人路上飛馳,之後在兩車中穿插及撞爆膠桶的危險場面,則交由特約演員上陣。

振朗自言已第四度拍劇駕電單車,過去三次因未有車牌僅靠借位拍攝,而一年前他終考到電單車牌,可以親身上陣:「大派用場係開心嘅,睇到個過程係由唔識電單車,到依家可以追車,仲載埋Lesley,難度加咗好多。」Lesley謂:「坐佢後面都有少少緊張,知佢揸嘅經驗唔多,但當同佢拍完一個鏡頭就對佢好有信心,係好安全。」振朗原來專登考車牌方便拍戲,他覺得身為演員親身上陣才有種震撼感,之前未有車牌,曾坐着輪椅來拍。

姜麗文心急生B

講到Lesley的婚禮,她稱本打算夏天舉行,現時要看疫情,笑言比男友更心急:「我急過佢,其實我想生BB。(可會先有後婚?)又唔得嘅。」之前有對新人婚宴照舉行,但不設堂食,給到來的賓客送上外賣離開,Lesley即說:「真係(口架)?但我唔會,我想大家參與我嘅婚禮。」

部分危險場面,由右邊那位替身負責演出。
張振朗為了拍戲而考電單車牌,今次總算大派用場。