張振朗阻兄弟搵食變箭靶

東方日報
Bob(左起)與蕭正楠起勢寸爆,搞到張振朗尷尬解釋!

藝人林盛斌、蕭正楠及張振朗因合作節目成為好朋友,經常互相揶揄,昨日張振朗慘成「箭靶」,被其餘兩人夾攻,寸爆他檔期密不透風,即使有片商欲邀三子拍電影,但分分鐘因他騰不出期而泡湯,令張振朗全程啞口無言。

蕭正楠、林盛斌(Bob)、張振朗及一班美女學徒昨日為無綫節目《美女廚房》宣傳,期間一眾學徒分組炮製萬聖節小食及飲品,由Bob等主持作評分。對於該節目早前因讓路給內地劇《延禧攻略》而停播一個半月,至昨晚終於可以歸位,三子大感高興,Bob坦言該時段收視一直接近23點,乃周末同時段很久沒有出現的數字。

被爆工作多難度期

問到會否再添食?Bob即把矛頭指向張振朗,踢爆對方工作排山倒海,度期甚有難度,阿蕭亦加入戰團:「有部電影想搵我哋三個一齊拍,都幾驚喜嘅,但依家要真係度到期先囉!」被夾攻的張振朗尷尬回應:「我梗係想一齊拍,要問吓有冇人肯放期,依家我都係一部劇喺手啫!」

談到「美女學徒」單文柔昨日與陳展鵬結婚,三子也戥一對新人高興,Bob大讚單文柔很Nice:「嗰次叫陳展鵬上節目做嘉賓,簡直將佢哋感情昇華。」阿蕭亦說:「見佢哋喺廚房嘅互動,幾驚佢將廚房變睡房。」問到會否夾份送禮物?Bob表示有意送生仔秘方,阿蕭聞言即抵死說:「咩你覺得『煎Pan』(陳展鵬)唔得0架咩?」Bob笑說:「哎呀!嗰啲Pan Pan聲係行動上,唔係食療上啦!」

Bob有靚女餵食辣椒,唔知會唔會冇咁辣呢?