張建聲頭部捱踢爆唇流鼻血

東方日報
工作人員為張建聲檢查有否崩牙。

藝人張建聲(Justin)前日拍攝ViuTV新劇《打天下》時發生意外,被武師凌空飛腳踢中頭部,當場流鼻血、爆唇兼臉部紅腫!工作人員即嗌停機,但被踢到頭暈暈的Justin堅持繼續拍攝,獲讚專業。

事後他受訪時表示:「呢套劇有好多動作鏡頭,我選擇親身上陣,現場有動作武師喺度,動作場面設計得靚,就難免危險性高,中腳時真係暈咁滯,跟住即刻Check吓有冇崩牙,因為上次拍《作家的謊言:筆忠誘罪》試過撞崩牙,今次好彩冇,但口腔損晒,鼻骨又有啲痛,最緊要唔好撞歪就OK。」又笑言「傷得唔好嘥」,將受傷鏡頭放落劇情:「最好彩係用得到,抹乾鼻血再流都係真。」

張建聲鼻血長流,仍堅持繼續拍攝。