張崇基驚父子檔失控

東方日報
崇基(左)、崇德有份演出音樂劇。

歌手張崇基、張崇德、陳國邦及太太羅敏莊與囡囡等,昨日到沙田大會堂出席音樂劇活動。崇基、崇德飾演搬運樂器的工人:「會又唱又跳,因為唔重戲份,所以會盡量搶戲,哈哈!」又指音樂劇的小朋友經訓練後可以自己演奏樂器,令他們很感動。

崇基自言近年多教小朋友:「我教滑水,佢哋知我唱歌,又會叫我教埋。可能自己都做咗爸爸,會用關懷、有趣嘅方法教小朋友,當佢哋係朋友咁。」問到是否有意與自己的仔女上台演出?崇德笑說:「難度非常高,試過同台演出一次,之後佢哋就話唔使啦!個女鍾意跳舞,本來應承之前演唱會嚟跳,但未成事。」崇基亦笑說:「7歲個仔鍾意表演,但驚佢上台唱歌會失控搶Fo!」