張寶兒後台睇實袁偉豪親熱

東方日報
張寶兒揚言唔介意袁偉豪演親熱戲。

由錢嘉樂、袁偉豪、黃智雯及楊詩敏(蝦頭)主演的舞台劇《今晚打老虎》昨晚公演,不少圈中好友送花籃到賀,包括鄭伊健、陳山聰夫婦、胡定欣、馬國明及吳卓羲等。而智雯好姊妹胡杏兒、李施嬅及姚子羚更專誠捧場,子羚表示入行前曾參演劇團的舞台劇:「但做咩角色都唔記得喇!啲嘢好藝術。(演舞台劇尺度可以大啲?)咁又難啲,我身段唔夠條件。」她又指希望「胡說八道」幾位姊妹可合演舞台劇,提議智雯及胡蓓蔚做巴辣角色,定欣則適合演可憐角色,杏兒則說:「我想做少女,因為我不再是少女。」

至於戴上工作證的張寶兒拎住袁偉豪電話,廿四孝女友幫手打點,問到有否準備愛心湯水?她說:「後台已經有好多嘢食同湯水,多謝朋友對佢厚愛。」她又讚演員間很有火花,問到有否睇男友的親熱戲?她說:「喺後台電視機有睇。(介意?)佢係周文賓,唔係袁偉豪,冇咩所謂。」

姚子羚(左起)、胡杏兒及李施嬅相約捧場。