張嘉兒撇低個女同老公旅行 囡囡爆喊心都噏埋

陀住6個月肚的張嘉兒不忘做瑜伽。張嘉兒fb

【星島日報報道】陀緊第二胎的前港姐張嘉兒,預產期係5月,將會生個豬BB ,原來佢趁仲未肚大如籮時,同老公撇低個女,去咗馬爾代夫過二人世界。可是去到旅行最後一日忍唔住同囡囡視像對話,點知個女一見到媽咪即時爆喊,嘉兒話囡囡喊得咁淒涼,心都噏,睇見自己都想喊埋一份。

張嘉兒係社交網上載了多張喊相,真係好陰公豬!佢話,今次去馬爾代夫旅行其實都安排咗好多節目俾個女。公公同大姨媽帶咗佢去主題公園玩又帶咗佢去四日三夜嘅野生動物園。不過最衰都係自己,去到最後一日忍唔住視像個女,結果佢一見自己個樣,所有嘅情緒出晒嚟,扁嘴喊爆,兩眼水汪汪,搞到佢即刻想返香港攬住佢。

不過嘉兒又讚囡囡,話雖然佢喊到咁,但係都覺得非常之正常。佢已經好叻,原先以為佢去旅行個女每晚扎醒都會喊扭計搵佢,但係家姐同佢講話佢有問媽咪喺邊,不過冇喊,所以覺得個女好抵讚,同埋抵錫。

又話今次能夠可以咁開心去旅行真係要多謝我家姐同埋爸爸。佢哋每日update個女消息,等佢唔使擔心,亦都冇內疚感揼低個女。

睇更多