張名雅遭拒載報警!

東方日報
張名雅獲老公搞驚喜派對賀生日。

前港姐張名雅昨日凌晨慶祝生日後,乘的士回家時竟被司機拒載,令她要報警求助,並在社交網嬲爆甫相留言指司機態度有問題,連昨日的12月星辰活動都未見蹤影,似乎怒氣未消!

前港姐張名雅(Carat) 昨日30歲生日,前晚與老公二人世界撐枱腳後,獲送神秘驚喜,安排一班好友舉行派對繼續狂歡,令Carat在社交網自爆感動落淚:「一入到來見到咁多好朋友真係好感動!30歲啦,希望會更好!」想不到感動過後,Carat竟要受氣,被的士司機拒載。

Carat在社交網站留言吐苦水:「生日是開心的。但的士拒載唔係第一次遇到。不過由幾時開始香港嘅的士司機會咁樣嘅態度……我從來都不為小事而煩。為了大眾市民,使命感確實跑來了。為甚麼香港的士會拒載?實情係應該交給警方處理與否?我最終報警了,希望有個公平的答覆。」

指摘對方態度囂

昨日張名雅接受本報電話訪問時表示事件在尖沙咀發生,當時與老公一同搭的士:「唔想講咁多,生日好開心。不過我覺得如果個司機態度好少少,我覺得都算啦,但佢仲要好囂張咁!(點囂張?)我哋上車講咗目的地,佢拒載,咁我繼續坐喺度,要求佢開車,佢就話『你繼續坐喺度,我係唔會開車,你鍾意就繼續坐』,所以我報警。」但提到生日,她就表示會與家人食飯慶祝,並為今、明兩天的拍攝工作刨劇本。

Carat未知是否怒氣未消,昨日缺席在將軍澳電視城的12月星辰活動,而有份出席的張寶欣表示希望與家人慶祝生日,問到有否追求者?她說:「了解緊。(擇偶條件會唔會似家姐男友袁偉豪?)都係睇性格,自己唔注重外表。」

採:影視組

文:專案組